පීරු රාජ්‍යයේ නස්කා කියන ප්‍රදේශයේ ඉතා පුදුම එළවන් සුළු භූ පිහිටීමක් දකින්න තියනවා. පීරු කියන්නේ ඉන්කා ජනාවාස සමග කිට්ටු සබදතාවක් තියන තවත් රාජ්‍යයක්. මේ අභිරහසත් අවරුදු 80 විතර තිස්සේ විසදගන්න බැරි ගැටළුවක්. මේ නස්කා ප්‍රදේශයේ සුදු පාට ඉරි වගයක් තියනවා. ඒ වගේම මේ ප්‍රදේශය වසරකට අගලකට අඩු වර්ෂාවක් ලැබෙන කාන්තාර ප්‍රදේශයක්. ඉතින් ඒ වගේ ප්‍රදෙශේක වතුර බහින්න කානු කපන්නත් නැතුව ඇතිනේ. ඉතින් මේ කානු කව්රු මොකට හැදුවද කියන එක සියවස් ගානක් යනකන් හරිම ගැටළුවක් වෙලා තමයි තිබුනේ.
1926 මුලින්ම මේවා ගැන අද්යන ඇරබුනා හැබැයි පොලොව මට්ටමේදී මේක ගැන ඒ තරම් දේවල් හොයාගන්න බැරි උනා. මේ භූ පිහිටීම් ස්වභාවික නිර්මාණ නොවන තරමට සමමිතිකයි කියා නම් දැනගන්න ලැබුනා. එත් මෙහෙම නිර්මාණයක් කලේ ඇයි ? ඒ ගැටලුවට විසදුමක් ලැබුනේ මේ ප්‍රදේශය හරහා ගුවන් යානා ගමන් කරන්න ගත්තට පස්සේ තමයි. ඉහල ඉදල බලනකොට මේ ප්‍රදේශයේ මේ කානු වලින් පොළොවේ ඉන්න එක එක සත්තු වගේ විවිද හැඩතලයි නිර්මාණය කරලා තියෙන්නේ කියල හෙළි උනා.
මේ රූප අතරේ වදුරෝ මකුළුවෝ වගේ පොළොවේ ඉන්න විවිද සත්තු තමයි තිබුනේ . හැබැයි මේ සොයා ගැනීමෙන් ප්‍රශ්නේ විසදුනාට වඩා අවුල් උනා කියලයි මට නම් හිතෙන්නේ. අහසට යන්න බැරි කාලෙක ඒ කියන්නේ ගුවන් යාන හොයාගෙන නැති කාලෙක මේ තරම් සුක්ෂමව මේ නිර්මාණ කලේ කොහොමද? මේ තරම් විශාල ප්‍රදෙශේක මේ වගේ නිර්මාණ කරන එක එතරම් ලේසි වැඩක් වෙන්නත් නැතුව ඇතිනේ ( අපි එහෙම හිතුවට ඒ කලේ ඕවට ලේසි ක්‍රම තිබුනද දන්නෙත් නෑ ). ඉතින් මේ අමුතු කානු කපිල්ල්ල කලේ කව්ද ? මොකටද? අවරුදු ගානක් විසදගන්න බැරි තවත් ගැටළුවක් මේක
0 comments:
Post a Comment